رواية فتاة بزي رجل الفصل الثالث 3 بقلم ليل مراد
3#
في احدى الملاهي الليلية كانت تجلس نور مع فهد وكان فهد يشرب الخمر لتقترب فتاة ليل منهم وتعانق فهد
الفتاة ببسمة : اهلا يا فهد بقالك كتير مابتجيش وبعد مين ده مش هتعرفنا علي بعض ولا ايه
فهد : اهلا يا جسي ده واحد صحابي اسمه نور
جسي لنور ببسمة : انت ما بتشربش ليه اجي اصبلك كاس نشرب مع بعض
نور : انا كده تمام لاني مليش تقل علي الشرب
ضحكت جسي وقالت بسخرية : لما انت محترم جي مكان زي ده ليه
نور بغضب وهي تنظر لعمار : حكم القوي على الضعيف
________________... فلاش باك
نور بغضب : انا عايز اروح
لف فهد زراعه ثم وضعه علي كتف نور التي كان في حالة صدمة بسبب حركة فهد المفاجأة فقال فهد : احنا خلاص جينا ملوش لزوم نروح دلوقتي.. تعالي بس وبعد ما نخلص هوصلك.. انت ليه عامل زي العيال الصغيره كده
نور وهي تنزل يد عمار من عليها : اول نزل ايدك لاني مش بحب الحركة دي ثانيا انت معاك حق انا عيل صغير ممكن تسبني امشي بقي
فهد بتنهد : يعم تعالي هيعجبك وان معجباكش متبقاش تجي معيا تاني تمام
نور بغضب : علي جثتي ادخل مكان زي ده
_______________...باك
جسي وهي تقترب من نور وتضع يدها علي وجهه : طب انت ملكش في الخمر اي رايك في البنات
نور هي قد شعرت بقشعريرة : انا اسف مليش في ده بكمان.. بصي انت ممكن تسالي فهد اعتقد انه لي في كل حاجه
جسي ببسمة وهي تحاول اغواء نور : بس انا مش عايزة فهد انا عايزك انت
كانت جسي تقترب من نور فقالت بتوتر : انت يا عم ما تبعد صحبتك دي عني
جسي : عجبني اوي دور الراجل العفيف
فهد : خلاص يا جسي سبي في حالو
جسي : علي العموم انت الخسران
نور ببسمة : انا طول عمري فقري للاسف بقي هنقول ايه.. وانت يا عم الحج كفاية شرب لحد كده علشان تعرف تروحني وبعدين مش يلا بينا الوقت اتاخر انا كده مش هلحق انام وممكن اتاخر علي الحضارات بكرة
فهد : تمام يلا بينا
ذهب فهد و نور الي السيارة
نور : انت فايق ولا اجي تاكسي ولا ايه
فهد : انا تمام يلا بينا
ركبوا السيارة و اخبرت نور فهد عن مكان منزلها ونزلت نور وصعدت الي شقتها ودخلت لتنام.. وفي صباح اليوم التالي وبدلت ملابسها ونزلت لتجد سيارت فهد مكانها فتظر فتجد فهد داخل السيارة لتطرق علي الباب ويستيقظ فهد
فهد وهو يتثاءب : هو انت
نور بستغراب : هو انت نمت هنا
فهد : مش فاكر بس باين كده
نور : طب مش انت وراك كليه انهاردة
فهد : مش عارف
نور : ده اللي هو ازي
فهد : لاني عمري ما روحت محاضرة واحدة من ساعة ما دخلت الكلية دي
نور بسخرية : ونعم التفوق.. طب سلام انا همشي علشان متاخرش
فهد : اركب وتعالي اوصلك
نور : طب انت بتروح تعمل ايه لما انت مش بحضر المحاضرات
فهد ببسمة : بقعد انا وصحابي في الكافتيريا
نور : لا بجد ونعم التفوق
فهد : تعالي اركب بسرعة بدل ما غير رائي
عندما فكرت نور انها قد تتاخر وافقت علي الركوب مع فهد.. بعد انهاء المحاضرات ذهبت نور الي الكافتيريا لكي تراجع المحاضرات الي ان يحين وقت عملها وعندما راها فهد ذهب وجلس معها
فهد : انت ماسك الدفتر علي طول
نور : لاني بذاكر مثلا.. وبعدين انت معدكش صحاب تروحلهم او اي حاجة تعملها في حياتك
فهد : صحابي ماجوش انهاردة.. ومعاك حق معنديش حاجة اعملها
نور : طيب بما انك متفرغ كده متعمل اي حاجة
فهد : زي ايه
نور : ايه رايك تذاكر لو عايز تاخد الدفتر وترجعو تاني بعدين عادي
فهد ببسمة عريضه : انت فكرك ان علشان مابحضرش المحاضرات ابقي فاشل وريني الدفتر بتاعك كده
اخذ فهد الدفتر ونظر لثانية لعنوان المحاضرة ثم اخذ يشرح المحاضره كاملة بطريق مذهله لنور التي كانت في حالة صدمة من ذالك
نور : واو.. طب لما انت كده ليه كنت بتسقط
فهد : انت عرفت من اين ان انا كنت بسقط
نور : لانك شكلك اكبر من انك تكون طالب في رابعة
فهد : تمام.. علي العموم انا حاليا في تانية و بصراحة مش شايف اي فايدة من اني احضر محاضرات انا عرفها اساسا
نور : بس انت ازي عرفت الحجات دي كلها
فهد : لان ابو عنده شركة وكنت من وانا صغير دائما في الاجازات بتاعتي المدارس بروح معه الشركة باستمرار
نور : علشان كده.. طب بما انك كنت علي طول بتروح مع ابوك مجاش في بالك انك تبقي زي
فهد ببسمة : علطول كانت الفكرة دي في دماغي.. بس حاليا اكتشفت اني ممكن ادير الشركة من غير ماكمل ف استهترت بالكلية وبقيت بسقط ف جه بابا و طردني من الشركة وقالي مش هتدخولها غير لما تخلص كليتك
نور : انت في قسم ايه
فهد : قسم إدارة أعمال
نور : سكشن كام
فهد : سكشن **
نور ببسمة : وانا كمان ايه رايك نعمل تبادل منفعة
فهد : ازاي
نور ببسمة : انا احضر المحاضرات ولو في امتحان او بحث وما الي ذالك هجي واقول لك وفي المقابل انت هتراجعلي الحجات الي انا مش عرفها
فهد ببسمة : تمام
نور : بعد اذنك علشان كده هتاخر علي الشغل
ذهبت الي العمل وعاد فهد الي منزله..
ويمر الوقت علي هذا الكلام ليتخرج كلا من نور و فهد بمتياز وتخرج ايضا طارق و جني ولكن بتقدير منخفض...
تقف نور وهي لازلت متنكرة امام احدي الشركات وتحمل السي في بيدها وتدخل لتسال عن وظيفة سكرتير وتعطيهم السي في ويخبروها ان تنتظر لتقابل المدير وبعد قليل من الوقت يطلب المدير لقاءه فتدخل
المدير : نور
نظرة نور بصدمة : فهد
فهد ببسمة : هو انت اللي اتقدمت لوظيفة السكرتير
نور : ايوه
فهد : تمام.. انت هتبداء شغلك من انهاردة
نور بصدمة : بسرعة كده
فهد بخدية :خد الورق ده رجعه وهاتوا بعد نص ساعة.. اسال موظفة الاستقبال عن مكتبك وهي هتوديك ليه.. اه صح لو اتاخرة اعتبر نفسك مرفوض
كان فهد يتحدث بجدية لم تسبق لنور ان سمعته يتحدث بهذه النبرة
نور : تمام
______________...
#الفصل_الثالث
#رواية_فتاة_بزي_رجل
#الكاتبة_ليل_مراد
